GRAND CHAMPION Best 503 Custom

Thomas erzählt: Ich han de 503 als ahgfangnigs Projekt neumä chönnä abchaufä. 

Ziel isch än ahlehnig zumene alte Militärtöff wie z.B. dr BMW R75 oder wie so die alte Harleys oder Condor vom Militär z’buä.

Da dr Originaltank a dem ALPA ML-RA scho mal nid passt hed, hani vomeme Parilla Kleinmotorrad de Tank probiert znäh. Hed vill ahpassigsarbete gäh. Gable isch en langi und de Lenker isch extra breit mit Holzgriff. Au d’Schutzblech und Strebä hani müesse ahpasse, da Original 17″ Räder druf gsi sind und jetzt sind 19″ Räder druf. Die gross Lampe vorä mit Tacho und Dächli hani nü druf gmacht und hinde  Belüchtig au entsprechend mit Dächli so gmacht sowie än sitlichä Nummerehalter. Gwüssi Strebästangene hani selber presst. Dafür hani än eigeni Matritze hergstellt.

503 isch als Nummere ufgmalt wordä und s’Pin up Girl hed au nid döfä fehle uf äm Tank. D’Ledertäschene sind vo dr Schwiizer Armee. Es gid ä huffä chlini Details am ganze Hobel.